Armanistonning O‘zbekistondagi yangi elchisi tayinlandi

Bugun, 14-avgust kuni O‘zbekiston Tashqi ishlar vaziri Abdulaziz Komilov Armanistonning yangi tayinlangan elchisi (qarorgohi Yerevan shahrida) Aram Grigoryanni qabul qildi. Bu haqda Tashqi ishlar vazirligi matbuot xizmati xabar beradi.

.

Foto: Tashqi ishlar vazirligi Matbuot xizmati

Ishonch yorliqlarini olar ekan, vazir elchini O‘zbekistondagi missiyasi boshlangani bilan tabrikladi va unga muvaffaqiyat tiladi.

Muloqot chog‘ida siyosiy, savdo-iqtisodiy, madaniy-gumanitar va boshqa sohalarda ikki tomonlama munosabatlar holati va ularni rivojlantirish istiqbollari ko‘rib chiqildi.

O‘zbekiston-Armaniston aloqalarni jadallashtirish, jumladan o‘zaro tovar va xizmatlar ayirboshlashni kengaytirish hamda turli darajalardagi aloqalarni faollashtirishdan ikki tomon ham manfaatdor ekanligi ta’kidlandi.

Aloqalarning shartnomaviy-huquqiy asosini takomillashtirish ustida birgalikda ishlash dolzarbligi qayd etildi.

Uchrashuvda umumiy kun tartibining boshqa masalalari ham ko‘rib chiqildi.