O‘zbekiston ishbilarmon ayollar assotsiatsiyasi mamlakatni tadbirkor ayollar indeksiga kiritish tashabbusi bilan hukumatga chiqdi

“Tadbirkor ayol” assotsiatsiyasi mamlakatni xalqaro tadbirkor ayollar indeksiga kiritish tashabbusi bilan hukumatga chiqdi. Bu haqda O‘zA .

Foto: O‘zA

Ushbu indeks butun dunyoda xotin-qizlar tadbirkorligi salohiyatini baholovchi ko‘rsatkich bo‘lib, ayollar tadbirkorligi masalalarining ko‘plab qirralarini o‘z ichiga oladi.

Ayollar tadbirkorligi indeksi global hisoboti 77 ta mamlakatni qamrab olib, hududiy tahlillarga asoslangan reytingni belgilaydi. O‘zbekiston ushbu reyting tarkibiga kirmagan.

O‘zbekistonning ushbu global reytingda qatnashishi ayollar tadbirkorligi holatining rivojlangan mamlakatlar orasida solishtiruv tahlilini amalga oshirish, global reyting indikatorlari orqali mavjud muammolarni aniqlash, ayollar tadbirkorligi muhitini yanada takomillashtirishga oid chora-tadbirlarni belgilash, shuningdek, xalqaro hamjamiyatning ijobiy yondashuvi erishilishiga xizmat qiladi.