Bir holat!!
Bir holat ...
Holatki, bag`rida suzadi olam,
Holatki ko`nglimda na sevinch, na g`am.

Bir holat ...
Holatki, bilmayman qaydaman o`zim,
Bir parcha osmonga mixlangan ko`zim.
Holatki, nimani istasam shu on
Huv, o`shal osmonda bo`lar namoyon ...

Bir holat ...
Holatki, ismimni eslay olmayman,
Holatki, qasdida xar nega shayman.
Holatki, ko`zimga ko`rinmas dunyo,
Holatki, hayotim - eng shirin ro`yo.

Bir holat ...
Holatki, yashashni o`ylamayman men,
Holatki, o`limlar yashamoqqa teng.
Holatki, sezimlar zaminiy emas,
Holatki, mangulik joningga tegmas.
Holatki, men seni sevmayman, biroq
Ko`ngil oq,
Tuyg`u oq,
Dunyolar oppoq ...



___Mr_JALIL
Joyladi: Udalit Akkaunt | Vaqti: 4 Mart 2019, 12:38 | O`qilgan: 285 | Izohlar (0)