Narx vasvasasi
Бир аъробийга: " Бир дона нон бир динор бўлибди"-дейилди. У шундай жавоб қилди: "Аллоҳга қасамки, агар бир дона буғдой бошоғи бир динор бўлса ҳам бу мени ташвишга солмайди. Мен Аллоҳ буюрганидай Унга қуллик қиламан. У эса ваъда қилганидек менга ризқ беради".
Бир неча киши Салама ибн Динор роҳматуллоҳи алайҳининг ҳузурига келиб шундай дейишди:
"Эй Абу Ҳозим, нархларни кўтарилиб кетганини кўрмаяпсизми?!". У киши дедилар:
"Бу сизни нега ғамга солади? Арзончиликда бизга ризқ берган зот қимматчиликда ҳам ризқ беради".

Салафи солиҳлардан бирига: "Нархлар кўтарилиб кетаяпти" -дейишганда у зот: "Истиғфорни кўпайтиринг" - деган эканлар.

Нарҳ наво ошган тақдирда ваҳима қилмаслик, ҳаётдан нолийвермаслик лозим. Унинг ўрнига истиғфорни кўпайтириш, Аллоҳдан енгилликни сўраб сайъу ҳаракатда бўлиш лозим.
Joyladi: Yeva | Vaqti: 19 Oktyabr 2018, 13:32 | O`qilgan: 113 | Izohlar (0)