Ketdim...
Endi menga qizig'i yo'q borligingiz.
Kimni suyib kimga qanday zo'rligingiz.
Jondan o'tdi raxm bilmas orligingiz.
Sizni suygan yurakdanda kechib ketdim.
Qadrim xaqqi ishq rishtasin yechib ketdim.

Xayolingiz quvg'in qildim xayolimdan.
Juda ranjib ishqda sizga malolimdan.
Javob izlab xar kecha xar savolimdan.
Sizni suygan ko'nglimdanda kechib ketdim.
Zor yig'latib ishq rishtasin yechb ketdim.

Tushlarimda sizga joy yo'q kirolmaysiz.
Nozlar qilib zor yig'latib kulolmaysiz.
Yo'q bo'laman, men qaydaman bilolmaysiz.
Sizni suygan ko'zimdanda kechib ketdim.
Qaytmas bo'lib ishq rishtasin yechib ketdim.

Suymasangiz suymabsizda o'lamanmi.
Yoxud esdan og'ib telba bo'lamanmi.
Xudo bilar gullaymanmi so'lamanmi.
Sizni suygan so'zimdanda kechib ketdim.
Ox demasdan ishq rishtasin yechib ketdim.

Yetar shuncha sizga ermak yashaganim.
Xar tun xar kun o'z ko'nglimni g'ashlaganim!
Sizsiz yolg'z kechalarga yig'laganim.
Shu edimi shu edimi axir sizdan kutganlarim?

Sizni suygan o'zimdanda kechib ketdim.
Alvido deb ishq rishtasin yechib ketdim...
Joyladi: (((SONgi-KuN))) | Vaqti: 11 Iyul 2018, 22:25 | O`qilgan: 136 | Izohlar (1)