Sensizlik
Qo'l uzatsam yetar edi samolarga. Sira boshim egmas edim armonlarga. Umrim o'xshar edi ulkan dostonlarga.
Ko'r meni ne ko'yga soldi sensizlik.
Mudom hamroh edi g'urur va kibr.
Tushlarimni hech kim qilmasdi ta'bir.
Faqat jabr bo'ldi yurakka jabr.
Ko'r meni ne ko'yga soldi sensizlik.
Jilmayaman ko'nglimda yig'laydi kimdir.
Yig'lab so'ng nenidir izlaydi kimdir.
Bularga ko'nikib yashamoq og'ir.
Ko'r meni ne ko'yga soldi sensizlik.
Men mayli yomonman yaxshilar bisyor.
Hatto mujgonlarim o'zimga ag'yor.
O'tgan bir soniya kelmaydi takror.
Ko'r meni ne ko'yga soldi sensizlik.
Yig'lamayman arzimaysan ko'z yoshlarimga.
Xayollar aylanib sirdoshlarimga.
O'zim-da hayronman bardoshlarimga.
Ko'r meni ne ko'yga soldi sensizlik.
Vaqt o'zi har dardni davolar shaksiz.
Baxtchi nima edi emasman baxtsiz.
Yana ortga qaytmoqqa haqsizsan haqsiz. His qilib ko'r bir bor endi mensizlik!
Joyladi: (VayOo-ToGeZi-QiZi) | Vaqti: 13 Fevral 2018, 11:15 | O`qilgan: 279 | Izohlar (0)