O'lsam yeg'laysizmi
O'lsam yig'laysizmi ko'zga olib yosh,
Zor bo'lib eshitgan yurakni ezib,
Oq kiyib tuproqqa qo'yganimda bosh,
Yig'larmisiz aslo qaytmasim sezib.‌‌‌‌‌‌‌‌
O'lsam ko'kragimni zax yerga berib,
Tuproqqa aylanib ketsa gar tanam,
Olovda muzlagan yuragim erib,
Loy to'lib qoladi ochiq ko'zga ham!‌‌‌‌‌‌‌‌
O'lsam tosh qo'ymanglar qabrim boshiga,
Hech narsa kerakmas gul ham ko'za ham,
Vaqt topsangiz keling qabrim qoshiga,
Gar minnat qilsangiz kelmang shunda ham‌‌‌‌‌‌‌‌
O'lsam nuqsonlarim aytib izimdan,
Aslo yomonlamang yomon bo'lsam ham,
Eshitsam yiringlar oqar ko'zimdan,
G'iybatdan qutilman garchi o'lsam ham.‌‌‌‌‌‌‌‌
O'lsam xotirangizdan o'chirsangiz ismim,
Shunda qabrim topish bo'lsa gar qiyin,
Eng faqir qabrda bo'ladi jismim,
Qarovsiz hujrada yotishim tayin...‌‌‌‌‌‌‌‌
O'lsam tushlaringizga kirsam bir sir bor,
Qo'rqmang o'zim bilan olib ketmayman,
Xabar olmay qo'ysangiz bir yilda bir bor,
Sog'inib sog'inib o'zim yo'qlayman!‌‌‌‌‌‌‌‌
O'lsam ko'p yig'lamay dalda bo'lib turing
Sho'rlik sho'r peshona Ota-Onam yonida,
Yig'lagiz kelsa ham lekin kulib turing.
Mendan so'ng tirgak bo'ling har bir onida!‌‌‌‌‌‌‌‌
O'lsam yaqinlarim ko'nglin ko'taring.
Ular shod bo'lishsa men tinch yotaman,
Agar qiynalishsa azobim ortar,
O'shanda go'rda ham zardob yutaman...‌‌‌‌‌‌‌‌
O'lsam suratlarim olovga tashla,
Meni eslatmasin ko'ngling ezmasin,
Unitib hayoting yangidan boshla,
Meni deb gul umring xazon bo'lmasin...‌‌‌‌‌‌‌‌
O'lsam baxtli o'tgan kunlarimizni,
Eslama eslasang aniq yig'larsan,
Yodga olsang dardli onlarimizni,
Balki shunda meni tez unitarsan.‌‌‌‌‌‌‌
O'lsam quloq solib duolarizga
Qabrimda jimgina kutib yotamam,
Diydorimni ko'rsam tushlaringizda,
Quvonib shodlanib kulib yotaman!
Joyladi: --R-A-P-P-E-R-- | Vaqti: 7 Dekabr 2017, 19:11 | O`qilgan: 81 | Izohlar (0)